МУАММОЛИ ТЕРИНИ ҚАНДАЙ ПАРВАРИШ ҚИЛИШ МУМКИН?
Муаммоли тери бир вақтнинг ўзида ёғли ва қуруқ бўлиши мумкин, лекин деярли ҳар доим салбий атроф-муҳит омилларига сезгир ва тошмаларга мойил. Бундай турдаги терига эга аёллар кўпинча уй шароитида парвариш қилишни қандай ташкил қилишни билишмайди. Спиртли эритмалардан фойдаланиш тери ёрқинлигини фақат вақтинча йўқ қилади, аммо акне (ҳуснбузар) намоён бўлишини кучайтириши мумкин. Муаммоли терини қандай қилиб тўғри парвариш қилишни билмаслик сабабли турли хил косметик касалликлар пайдо бўлиши мумкин, масалан, ҳусунбузар, келоид чандиқлари, қора доғлар ва юздаги аниқ кенгайган тешиклар.
МУАММОЛИ ЮЗ ТЕРИСИНИ ПАРВАРИШ ҚИЛИШНИНГ ЎЗИГА ХОСЛИГИ
Муаммоли терига профессионал косметик ёндашув керак. Парваришловчи воситаларини жуда эҳтиёткорлик билан танлаш керак, биринчи навбатда сизнинг юзингиз турига мос келадиган, юздаги тешикларни ёпмайдиган, лекин айни пайтда ҳужайраларни намлик ва муҳим озиқ моддалар билан тўйинтирадиган табиий таркибларга эга воситаларга устунлик бериш керак.
Агар сизнинг терингиз ёғли ва акне пайдо бўлишига мойил бўлса, ҳеч қандай ҳолатда уй шароитида қора нуқталарни сиқиб чиқарманг, чунки иккиламчи инфекция хавфи юқори бўлганлиги ва хунук чандиқлар ҳамда яна қайта акне пайдо бўлиш хавфи сабабли ёғли терини парвариш қилиш тақиқланади. Лицензия остида ишлайдиган ва ўз нотўғри хатти-ҳаракатлари билан зарар етказмайдиган ҳамда текширувдан ўтган косметологик кабинетга эга мутахассис томонидан тозалаш ишлари ўтказилгани яхшироқдир.
Муаммоли терини қандай парвариш қилишни билмаслигингиз мумкин – бунинг ҳеч қандай ташвишланадиган жойи йўқ. Косметолог бундай билимга эга! Акне ва ҳусунбузарларга қарши косметика воситаларини тўғри танлаш учун косметологга мурожаат қилишингиз керак бўлади. Ундай воситалар кўпинча антибиотикларни ўз ичига олади. Мураккаб ҳолатда косметолог таблеткалар ёки капсулалардаги тизимли таъсир қилувчи антибиотикларни тавсия қилади.
МУАММОЛИ ТЕРИНИ ПАРВАРИШЛАШ ПРИНЦИПЛАРИ
МУАММОЛИ ТЕРИ ҚУЙИДАГИ МУОЛАЖАЛАРГА МУҲТОЖ:
- Мунтазам равишда ювиш: совун эмас, балки юмшоқроқ тозаловчи воситалардан фойдаланинг, чунки совун терини жуда қуритади, ҳимоя қавати ювилиб кетади ва тошма янада кучаяди;
- Скраблар ёрдамида пилинг қилиш: ёғли терини тозаловчи аралашмалар билан ҳафтада бир марта, қуруқ терини эса ойига 1-2 марта (нозик терига мўлжалланган маҳсулотлардан фойдаланган маъқул) пилинг қилиш керак бўлади;
- Йилига 1-2 марта ўрта ва чуқур пилинг қилиш: юз териси қанчалик ёғли бўлса, у теридаги кичик чандиқлар, пигментли доғлар ҳамда тери юқори қатламидаги зарарланган қисмларни йўқотиш орқали тери тонини текислайдиган кислоталар билан терининг ўлган эпидермис қаватининг тозаланиб турилишига муҳтождир;
- Терини намлантириш: сув – бу тўқималардаги ички жараёнларни ва терининг гўзаллигини сақлаш учун зарур компонент ҳисобланади, шунинг учун юзингизни мунтазам равишда намлантиринг, лекин фақатгина таркибида алкогол ва агрессив кимёвий компонентлар бўлмаган маҳсулотлар билан.
Яхши овқатланиш муаммоли терининг соғлиғини сақлашда ҳам муҳим рол ўйнайди. Агар танада етарли витамин ва микроэлементлар бўлмаса, тери билан боғлиқ жиддий муаммолар пайдо бўлиши мумкин.
Акне ва ёғ миқдори кўпайганда оддий углеводларни ўз ичига олган ёғли овқатлар ва ширинликларни чеклаш керак, чунки улар ёғ безларининг ишини кучайтиради ва тошмалар сонини кўпайтириши мумкин. Волвит® препаратида мавжуд бўлган биотин – Б7 витаминига эътибор беринг. Бу витамин ёғ безларининг фаолиятини пасайтиради, хусунбузар ва майда тошмалар, себорея пайдо бўлишининг олдини олади, тери ва унинг қўшимчаларига (сочлар, тирноқлар) умумий шифобахш таъсир кўрсатади.
Волвит® витаминлари соғлом овқатланиш ва юқори сифатли косметик парвариш фонида терининг соғлиғини сақлаб қолади ва унга салбий экологик омиллар таъсирини камайтиради.
