QO‘L TIRNOQLARI QANDAY MUSTAHKAMLANADI?
Har bir ayol ham o‘z qo‘llaridagi qattiq tirnoqlari bilan maqtana olmaydi. Lakni tez-tez ishlatish, vitaminlar va kalsiy etishmasligi tufayli tirnoq plastinkasi yupqalashib, yemirilishi mumkin. Va bunday holatda, hech qanday yaxshi manikyur haqida gapirish mumkin emas. Ammo siz xafa bo‘lmasligingiz kerak: qat’iyatlilik va kompleks yondashuv bilan siz tirnoqlaringizni mustahkamlashingiz va ularning o‘sishini tezlashtirishingiz mumkin.
Asosiysi – bu tizimlilikdir. Agar siz vitaminlarni qabul qilishni yoki davolovchi vannachalar qilishni boshlagan bo‘lsangiz, unda birorta ham muolajani o‘tkazib yubormang. Faqat, harakatga o‘tishdan oldin, zamburug‘li kasallik yoki surunkali patologiya yo‘qligiga ishonch hosil qilishingiz kerak, chunki muammo gormonal yetishmovchilik, infeksiya yoki vitamin yetishmovchiligi bilan bog‘liq bo‘lsa, tirnoqlarni faqat mahalliy vositalar yordamida mustahkamlash ish bermaydi.
TIRNOQ YEMIRILISHINING ASOSIY SABABLARI:
- gel-laklardan, akrildan foydalanish;
- tirnoq o‘stirish;
- qo‘lqopsiz suv va maishiy kimyoviy moddalar bilan tez-tez ishlash;
- tirnoq plastinalarining jarohatlanishi;
- haroratning o‘zgarishi;
- sifatsiz pilka(tirnoq tekislagich)lardan foydalanish;
- zamburug‘li tirnoq infeksiyalari;
- qo‘pol ravishda manikyurlash;
- stresslar, psixoemotsional ortiqcha zo‘riqishlar;
- bezaklovchi kosmetikadan tez-tez foydalanish.
Vitamin yetishmasligi – bu tirnoqlar holati buzilishining asosiy sababidir!
Tirnoqlar, teri va soch kabi, ozuqa moddalariga muhtoj. Agar ular yetarli bo‘lmasa, tirnoq plastinkasi yupqalashadi, yemirilishni boshlaydi va yorqinligini yo‘qotadi. Tarkibida atseton mavjud bo‘lgan mahsulotlardan foydalanish, idishlarni qo‘lqopsiz yuvish odati, manikyur paytida noprofessional harakatlar va tananing umumiy zaiflashishi – bularning barchasi tirnoqlarning, terining va sochlarning tashqi holatiga ta’sir qiladi. Tirnoq plastinkalari muntazam ravishda kremlar, niqoblar va yog‘lardan olingan foydali moddalar bilan oziqlanishi kerak. Siz uy sharoitida foydali tarkiblarni tayyorlashingiz mumkin: agar siz uy sharoitida tirnoqlarni qanday mustahkamlashni bilmasangiz, xalqona retseplariga murojaat qiling. Ular tirnoq plastinkalarini tashqi tomondan oziqlantiradigan mahsulotlardan foydalanishga asoslangan.
Yog‘ eritmasidagi A va E vitaminlari tirnoq plastinkasini salbiy tashqi ta’sirlardan himoya qilish uchun juda mos keladi. Haftada kamida 1-2 marta davolovchi vannachalar qiling, chunki yupqa tirnoqlarni tezroq mustahkamlash mumkin emas. Oddiy tuz mustahkamlovchi ta’sirga ega: kuchli tuzli eritma tayyorlang va tirnoqlaringizni 5-10 daqiqaga botiring. Agar terida kichik kesilgan joylar yoki achishishlar bo‘lsa bu muolajani qo‘llash mumkin emas.
Muammoni nafaqat tashqi tomondan, balki ichkaridan ham hal qilish uchun tirnoqlarni yana qanday mustahkamlash kerak? Afsuski, ko‘pincha tirnoqlarni tashqi tomondan parvarish qilish uchun kerakli mahsulotlar yetarli emas, shuning uchun yetishmayotgan vitaminlarni ichkaridan to‘ldirish kerak. Muammoga kompleks yondashuv qo‘llaniladigan muolajalar va davolash usullarining uzoq muddatli ta’sirini kafolatlaydi. Siz xalq tabobati yordamida tirnoqlarni qanday mustahkamlashni o‘rgandingiz, lekin organizm ko‘pincha ichkaridan vitaminli oziqlanishga muhtoj, ayniqsa kuchli jismoniy va ruhiy stress davrida, ozuqa moddalari faol iste’mol qilinganda. Tirnoqlarning mustahkamligi oziq-ovqat bilan birga keladigan va inson tanasi tomonidan sintez qilinadigan biotin miqdoriga bog‘liq.
Biotin yetishmasligi nafaqat tirnoqlarning holatining yomonlashishiga, balki depressiyaga, terining quruqlashishiga, ishtahaning pasayishiga va mushaklarning tortishib qolishiga olib kelishi mumkin. Ushbu vitamin yetishmasligini to‘ldirish uchun maxsus vositalar yordam beradi. Biotinning terapevtik dozalarini o‘z ichiga olgan Volvit 5 mg (B7 vitamini) dan o‘z vaqtida profilaktika va terapevtik maqsadda foydalanish tirnoq plastinkasining holatini 1-2 oy ichida yaxshilaydi: tirnoq plastinkasini mustahkamlaydi, tirnoq o‘sishini tezlashtiradi va ularga sog‘lom va chiroyli ko‘rinish beradi.
